ਕੈਲਗਰੀ ਸਟੈਂਪੀਡ ਹਾਜ਼ਰੀ ਵਿੱਚ ਇਸ ਸਾਲ 125,000 ਲੋਕ ਹੋਏ ਹਾਜ਼ਰ

ਕੈਲਗਰੀ-ਜਿਵੇਂ ਜਿਵੇਂ 2023 ਕੈਲਗਰੀ ਸਟੈਂਪੀਡ ਨੇੜੇ ਆ ਰਿਹਾ ਹੈ ਤਿਵੇਂ ਤਿਵੇਂ ਅਧਿਕਾਰੀ ਪੁਸ਼ਟੀ ਕਰਦੇ ਆ ਰਹੇ ਹਨ ਕਿ ਇਸ ਸਾਲ ਦੇ ਐਡੀਸ਼ਨ ਵਿੱਚ ਇਸਦੇ ਇਤਿਹਾਸ ਵਿੱਚ ਦੂਜੀ ਸਭ ਤੋਂ ਵੱਧ ਲੋਕਾਂ ਦੀ ਹਾਜ਼ਰੀ ਸੀ। ਜਾਣਕਾਰੀ ਮੁਤਾਬਕ ਸਟੈਂਪੀਡ ਵਿੱਚ ਇਸ ਸਾਲ ਕੁੱਲ 1,384,632 ਲੋਕਾਂ ਦੀ ਹਾਜ਼ਰੀ ਸੀ, ਜੋ ਕਿ 2012 ਵਿੱਚ ਬਣਾਏ ਗਏ ਰਿਕਾਰਡ ਤੋਂ ਸਿਰਫ਼ 24,739 ਹੈ ਜਦੋਂ ਕਿ ਉਸ ਸਮੇਂ 1,409,371 ਸਟੈਂਪੀਡ ਪਾਰਕ ਵਿੱਚ ਗਏ ਸਨ। ਮਹਾਂਮਾਰੀ ਤੋਂ ਬਾਅਦ ਇਸ ਸਾਲ ਦੇ ਐਡੀਸ਼ਨ ਵਿੱਚ ਪ੍ਰਤੀ ਦਿਨ ਔਸਤਨ 125,000 ਹਾਜ਼ਰੀਨ ਦੇਖੇ ਗਏ। ਇਸ ਮੌਕੇ ਕੈਲਗਰੀ ਸਟੈਂਪੀਡ ਦੇ ਸੀਈਓ ਜੋਏਲ ਕਾਉਲੀ ਨੇ ਕਿਹਾ ਕਿ ਅਸੀਂ ਸ਼ਾਇਦ ਵਾਪਸ ਆ ਗਏ ਹਾਂ। ਦੱਸ ਦਈਏ ਕਿ ਅਗਲੇ ਸਾਲ ਦੀ ਸਟੈਂਪੀਡ ਨਵੇਂ 100,000-ਸਕੁਏਅਰ-ਫੁੱਟ ਬੀਐਮਓ ਸੈਂਟਰ ਦੇ ਨਾਲ-ਨਾਲ 17ਵੀਂ ਸਟਰੀਟ ਅਤੇ ਸਟੈਂਪੀਡ ਵੇਅ ਪ੍ਰਵੇਸ਼ ਦੁਆਰਾਂ ਦੀ ਵਰਤੋਂ ਨਾਲ ਕੁਝ ਵੱਖਰੀ ਦਿਖਾਈ ਦੇਵੇਗੀ।